That's Me

О, сябры, покуль я не памёр...

Яшчэ не ацэнена
avatar_499.gif

О, сябры! Покуль я не памёр
На тутбаеўскай форумнай тэме,
Адбярыце ў мяне манітор,
І мадэм, і клавУ, і сістэмнік.

Захапіце знянацку ў палон,
Рукі мне за спіною скруціце –
Мо і дасць мера гэтая плён
І з мяне тлум залежнасці выйдзе.

Мо не будзе спакусы тады
Марнаваць столькі вольнага часу,
І пісаць – і туды, і сюды,
І тачыць вершаваныя лясы,

І разменьваць астатак жыцця
На аскепкі турбот віртуальных,
І шукаць існаванння працяг
У чыіхсьці радках геніяльных.

Але не… Пачакайце дзянёк!
А пасля … адкладзіце на тыдзень…
Ну яшчэ… ну яшчэ… хоць радок…

О, І-нэт! Марнатраўца і злыдзень!

16.11.2011

  • Гады творчасці
 
  • Апошнія водгукі
 
  • Нашыя сябры
 

Нашыя праекты