That's Me

Бывай здарова!

Яшчэ не ацэнена
80143_main.jpg

Skvo

Складу-замоўлю-зашапчу
на сон прарочую замову:
я так жадаю, так хачу,
каб ты заўжды была здаровай!

Бывай здарова – здаравей
на цёплым сонейку вясновым
і слухай спевы – салавей
табе пяе невыпадкова.

Бывай здарова – каб любіць
мілОга сябра – свайго мужа –
і тонка ткаць адносін ніць –
і са слабінкай быць, і дужай.

Бывай здарова – бо табе
на свеце шмат работы будзе:
сваю дачушку (можа й дзве?)
й сыночка вывесці "у людзі".

Бывай здарова – здаравей
за ўсіх мядзведзяў-здаравякаў!
Квятушкай травеньскай квітней
і за здороўе Бога дзякуй!

Бывай здарова й дзеля нас –
паэтаў ТУТашняй галіны:
каб не ўзбрыкнуў сівы Пегас
і нас не строс у каляіны.

А каб здароўечка ўдыхнуць
ад сіл зямлі, ад моцы неба,
скажы "Здарова я!" – і будзь.
І не знікай! Ты нам патрэбна!

31.05.2013

  • Гады творчасці
 
  • Апошнія водгукі
 
  • Нашыя сябры
 

Нашыя праекты