That's Me

Георгію Ліхтаровічу

Сярэдняя: 5 (3 галасоў)
20130123_104751.jpg.jpg

Да Вашых вершаў, як да крыніцы,
Тулюся прагна, каб наталіцца
Настоем думак і адчуванняў –
Пітвом настрояў і разважанняў.
Сярод будзённай нуды пустэчнай
Яны здаюцца мне нечым вечным.

Кідаю сэрца ў ручай агністы
Са слоў бурлівых і струмяністых –
І раптам чую ўнутры сугучча
З ўсім, што, пэўна, паэта мучыць,
Над чым ён плача, з чаго смяецца
І што хавае ва ўласным сэрцы.

І бачу мудрасць у кожным слове,
І па-за словам – святло любові,
І спачуванне, і захапленне…
І ў кожным творы – жыцця трымценне...

Кладу ў скарбонку "Агульны сшытак" –
Прымаю шчырай душы здабытак.

19.03.2012