That's Me

Дуэль-жарт "Я не паэтка"

Яшчэ не ацэнена
obnazhennaya_duel1.jpg

Стрэл першы - ajsa: "Я не паэтка 'шчэ -маленькі тронак..."

Стрэл другі - я:

А я наогул цень ад непаэткі,
і то праз дзень -- зямля і неба сведкі.
Калі й расту пад сонцам, што сядае,
бліжэй да ночы зблякну і растаю.

Я Музу мучу, як п'яное рэха:
што ні агучу -- хібы і агрэхі.
Таму, сябры, маё наканаванне
не срэбра вершаў -- золата маўчання...

Стрэл трэці - ajsa: "Я цень ад ценю непаэткі..."

Стрэл чацвёрты - я:

А я зямля пад ценем ценю непаэткі
Неўладкаваная -- ні вершыка, ні кветкі.
Хоць палівай яе з брандспойта, хоць з піпеткі,
Не ажыве, не закалосіцца улетку.

Нат і не глеба -- так, няўдобіца якаясь.
Яе і ўвосень жоўты ліст не засыпае,
І у час зімовы завіруха не кранае...
А па вясне на ёй да маю снег не тае...

Стрэл пяты - ajsa :"Я чарвяк, тут у глебе жыву, на якой цень ад ценю..."

Стрэл шосты - я:

Я -- маленькая кучка "дабра", у каторай чарвяк,
Той, што ў глебе жыве пад цень-ценем зусім не паэткі,
Піша вершы чарвячыя. Тым ганаруся я так,
Нібы я -- не "дабро", а пахучая, дзіўная кветка.

Каб не я, чарвячок бы ад голаду-холаду здох.
Мы з ім разам ствараем цудоўную творчую пару.
Вось цяпер бы абодвум нам хтосьці крыху дапамог,
Каб у неба ўзляцелі чарвячна-"дабрынныя" мары.

Каб на крылах натхнення мы разам узняліся ў лёт
І каб нас пераТВОРыла Муза ў ліхіх матылёчкаў,
Для якіх асалода -- няпісаных вершаў палёт
І мядовы нектар зарыфмованых сэрцам радочкаў.

Стрэл сёмы - ajsa : "Я нішто, я такое ніштое нішто,што нішцее не знойдзеце ў свеце!"

Ну вось, пагарэзілі!

6.03.2013

:-)