That's Me

Пакуль не забыўся, як пэндзаль трымаць...

Яшчэ не ацэнена
32363138068467.jpg

Пакуль не забыўся, як пэндзаль трымаць,
Не жалься на долю – жыві і пішы!
Свет варты таго, каб яго маляваць,
Збіраючы фарбы ў палітру душы!

Але не зайздросці набытку людзей –
Ты нават і ў горы не горай за іх!
Калі ты ствараеш – ты ўсіх багацей,
Бо маеш сусвет у карцінах сваіх.

У іншых няма асалоды такой,
З якой ты, заціснуты ў лёсу ціскі,
Грунтуеш палотны істотай сваёй
І сэрца ўкладаеш у іх – на вякі.

Мастацтва тваё – Божай літасці знак,
Твой крыж пажыццёвы – паэт і мастак.

27.12.2011