That's Me

СтарЫ Новы год

Яшчэ не ацэнена
20121225_093130.jpg

На акенцы шэры кот
па-кацячы разважае:
ці стары той Новы год,
што сягоння свет чакае?

І чаму ён пастарэў
усяго за пару тыдняў?
Пэўна, сала мала еў?
Альбо жыў у нейкіх злыдняў?

Ці пра крызіс хтось яму
расказаў страшныя казкі?
Ці састарыўся таму,
што не ведаў людскай ласкі?

А магчыма, з-за сынка
гаспадарскага – Валеркі?
З-за нястачы малачка?
Ці спустошанай талеркі?

Кот глядзіць, як на двары
бурапеніць снег бахматы,
і ўздыхае: ці стары
адшукае шлях да хаты?

14.01.2013

  • Гады творчасці
 
  • Апошнія водгукі
 
  • Нашыя сябры
 

Нашыя праекты