That's Me

Лягчэй за ўсё – судзіць кагосьці...

Сярэдняя: 5 (1 голас)

Лягчэй за ўсё – судзіць кагосьці,
Абвінавачваць у грахах,
І павучаць, і пырскаць злосцю:
“Глядзіце, людзі! Ці не жах?!

Куды ні плюнь – п'янтосы, сцервы,
Ці ўспамінаючыя "маць".
А нехта так "заводзіць" нервы,
Што лепш зануду не чапаць.

Той – фанабэрысты, гарачы,
А гэты – ціхі, ды дурны.”
Але ў сябе суддзя не бачыць
Ні ў чым ніякай слабіны.

Ні свайго глупства, ні ляноты,
Ані таго, што – пустабол.
Яго б спытаць: ”А сам ты – хто ты?
Усё ж, напэўна, не анёл?”

Да ідэалу нам далёка.
Нашто ж за іншымі сачыць?
Аднак, чаму нікому вока
Сваім бярвеннем не свярбіць?

2009

  • Гады творчасці
 
  • Апошнія водгукі
 
  • Нашыя сябры
 

Нашыя праекты