That's Me

Табе

Сярэдняя: 5 (1 голас)
0c061e320b371bcf2f642b50624113b3.jpeg

Табе не жонка, не каханка
і не сяброўка нават я,
а на хвілінку забаўлянка –
жывая іграчка твая.

Нібыта рэч, бярэш у рукі –
але ж цікаўна ў першы раз.
Пасля, найграўшыся, з дакукі
у кут адкідваеш на час.

А як успомніш, так ізноўку
шукаеш, цягнеш да сябе
і прымяраеш, як абноўку,
любоў, адданую табе.

І зноў адштурхваеш знянацку,
калі нацешышся спаўна.

Баліць душа. Бо я не цацка.
Люблю... І ў тым – мая віна...

24.05.2013